Betrëfft : Weltkongress vun de « Social Educators » vum 28.5. bis de 31.5.2013 zu Lëtzebuerg

Léif Memberë vun der APEG,

Wéi mer et an der Generalversammlung schons ugekënnegt haten, wäert den nächste Weltkongress vun de Sozialpädagogen am Joer 2013 zu Lëtzebuerg iwer d’Bühn goen. Am Hierscht hate mer e Projet un de Weltverband AIEJI eraginn, deen als offiziell Kandidatur fir des fantastesch Manifestatioun schlussendlech zréckbehal gouf. Dëse Kongress, un deem iwer 600 Professionneller weltwäit wäerten deelhuelen, wäert eng eemoleg Geleegenheet ginn, fir während enger Woch an engem flotten, internationale Kader, sech kennen ze léieren, sech auszetauschen a wichteg Kontakter ze knäppen.

Vu que datt mer mat eisem groussen Thema vum Kongress « Interegratioun, Migratioun a sozial Inclusioun » sämtlech Arbechtsfelder vun der sozialpädagogescher Arbecht ofdecken, sinn d‘Conditioune fir eng flott Organisatioun vun dësem Mega-Event erfëllt. Mat Konferenzen, Workshops, Präsentatiounen, Visiten, Ausstellungen a ganz villen aneren Aktivitéiten wärte mer eng Kongress-Woch op d’Been stellen, déi onvergiesslech wäert bleiwen an hoffentlech eis an eisem Secteur e groussen Opdriw wäert ginn.

Wann dir un der Gestaltung vum „AIEJI World Congress 2013 in Luxembourg“ wëllt matwierken, da schreiwt mer eng Email u Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. mam Numm a mat äeren Donnéeën. Dir gitt dann  an denen nächste Wochen a Méint permanent um Laafende gehal, wat d’Organisatioun ugeet. Am Hierscht 2010 wäert et dann zu enger éischter Informatiounsversammlung kommen, wou sämtlech potentiell Acteuren wäerten zesummekommen.

Fir iech e Bild vu sou engem riisegen Event ze maachen, da gitt op de Site vum leschte Weltkongress 2009 zu Kopenhagen. www.aieji2009.dk

Mat beschte Gréiss,

Marc Pletsch, Präsident